قازاقستان رەسپۋبليكاسى ۇكىمەتىنىڭ قاۋلىسى №437

2015 جىلعى 17 ماۋسىم,  استانا, ۇكىمەت ءۇيى عارىش كەڭىستىگىن پايدالانۋ سالاسىنداعى قىزمەتتى ليتسەنزيالاۋدى جۇزەگە اسىرۋ جونىندەگى ليتسەنزيار مەن «عارىش وبەكتىلەرىن جانە ولارعا قۇقىقتاردى مەملەكەتتىك تىركەۋ تۋرالى كۋالىك» ەكىنشى ساناتتاعى رۇقساتىن بەرەتىن ۋاكىلەتتى ورگاندى ايقىنداۋ تۋرالى «رۇقساتتار جانە حابارلامالار تۋرالى» 2014 جىلعى 16 مامىرداعى قازاقستان رەسپۋبليكاسىنىڭ زاڭى 10-بابىنىڭ 2) جانە 4) تارماقشالارىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. مىنالار: 1) قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ اەروعارىش كوميتەتى عارىش كەڭىستىگىن پايدالانۋ سالاسىنداعى قىزمەتتى جۇزەگە اسىرۋعا ارنالعان ليزەنتسيانى بەرۋ جونىندەگى ليتسەنزيار; 2) قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ اەروعارىش كوميتەتى «عارىش وبەكتىلەرىن جانە ولارعا قۇقىقتاردى مەملەكەتتىك تىركەۋ تۋرالى كۋالىك» ەكىنشى ساناتتاعى رۇقساتىن بەرەتىن ۋاكىلەتتى ورگان بولىپ ايقىندالسىن. 2. «عارىش كەڭىستىگىن پايدالانۋ سالاسىنداعى قىزمەتتى ليتسەنزيالاۋدىڭ كەيبىر ماسەلەلەرى تۋرالى» قازاقستان رەسپۋبليكاسى ۇكىمەتىنىڭ 2013 جىلعى 31 قاڭتارداعى № 77 قاۋلىسىنىڭ (قازاقستان رەسپۋبليكاسىنىڭ ءپۇاج-ى, 2013ج., №13, 244-قۇجات) كۇشى جويىلدى دەپ تانىلسىن. 3. وسى قاۋلى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.